Pagina:Poeti antichi del dialetto veneziano 2.djvu/77

Sta pagina la xe stà trascrita, ma la gà ancora da vegner rileta.


MADRIGALE


Dolor in sestodecimo ecelente,
     Fato da la Natura
     Come de bon Scritor abreviatura,
     Me ralegro del grado degnamente
     Da vu otegnudo al publico dispeto
     De più d'un desgraziado Cortesan,
     Che ve chiamava picoleto e nan.
     Volendo mesurarve co la vesta
     Tuto quel gran Cervel che tegnì in testa,
     (Ch'è pur contra el dover) vostra Ecelenza
     El tien magior assae de la presenza.
     Dolore zentil e de gran mente
     Vu campizè cussì legiadramente,
     Come drento a un cristal mosca pià,
     O in gran sala, se parla, un papagà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/77&oldid=68076"