N'à consolà da festa:
Per el furor dei venti
S'à perso bastimenti:
La neve nel feltrin, nel udinese
La ze cascada in tanta quantità
Che la ga subissà
Piu d'un paese:
Se ga visto l'eclissi, la cometa
Come che l'ò predeta:
In più de qualche logo
Ga fato dani el fogo:
Ze comparse le aurore boreali,
À dà su temporali
De quei da confession
Coi tiri de canon:
Teramoti, che qua graziando Idio
S'à limità al pipio,
Ma che à porta rovine
Nele tere vicine:
Ze comparse meteore e in conclusion
Per tute le rason,
E spezialmente per le malatie,
S'à avudo un trentasie,
Che nela storia
Del so compagno no ghe ze memoria.
E postochè za el nome me l'ò fato,
E vedo che per trato
De infinita bontà de Quel Dessora
Pagina:Pronostici e versi di Camillo Nalin 1.djvu/125
![](http://upload.wikimedia.org/wikipedia/commons/thumb/9/96/Pronostici_e_versi_di_Camillo_Nalin_1.djvu/page125-1024px-Pronostici_e_versi_di_Camillo_Nalin_1.djvu.jpg)