Coi so colarini,
E strage de tabari,
Che adesso i se pol dir saltamartini.
Sarà bela che mai la primavera,
Fresca matina e sera;
Zirarà minaciando i nuvoloni,
Ma gavaremo in pien
E la note seren
E i zorni boni;
Ogni sorte de fiori
De diversi colori
In abondanza,
Erbe che dà fragranza,
El giacinto e la viola,
Che col so grato odor
El naso ve consola,
E ve ralegra el cuor;
Se vedarà abonora
Albori e piante
Le foge a butar fora
Tutequante,
E in moto la campagna,
A promoter cucagna,
Uno dei più bei ani
Per vin, foragi e grani.
El caldo de l'istà
Tardi scomenzarà,
Ma nonostante a questo
