La spesa co l'intrada no i misura,
Che reputa delito
No aver el pano fin,
De no vestir pulito
Secondo el figurin,
E che po no ghe abada
Se fermi sui cantoni
A l'uso dei piantoni
Per farghe la filada
Li topa i creditori,
I spendarà tesori.
Ridarà a crepa panza
El zogador
Vivendo tuto el dì co la speranza
De deventar signor,
E a daoto a daoto
Per el zogo del loto
Se svodarà la borsa
Volentiera,
Sperando una risorsa
In sta maniera.
Mi po, che, no gh'è caso,
Co posso me compiaso
El prossimo agiutar,
Trovo de consegiar
Queli che mete
Nel'ano trentaoto a tegnir duro,
A no lassar per ochio el disisete,
