Pagina:Pronostici e versi di Camillo Nalin 1.djvu/201

PRONOSTICO DE L'ANO 1840.¹

Ze scrito, se lo sà per cossa certa,
     Nel misterioso libro del destin,
     Dove tuti gavemo partia averta,
     Che quel che ga principio à da aver
     E le opere tute
     De l'arte e de natura
     Dal tempo vien distrute,
     O le cambia figura,
     E co l'andar dei ani, co l'età
     La più robusta fabrica perisce,
     Se consuma qualunque quantità,
     El vulcan più tremendo s'esaurisce,
     Al piano se livela la montagna,
     El marmo da la giozza vien spacà,
     El fero da la rusene se magna,
     El rovere deventa cariolà,

1. Per il 1839, l'autore non ha scritto il Pronostico.