Senz'aver sugizion,
Senza riguardi,
Sia abonora che tardi,
Tute l'ore del dì,
A qualunque mumento,
Lo abilito a vegnir franco da mi,
Che ghe lo pieso el restarà contento:
E sicome de teste con cerveli,
Che senza pregradizio podaria
Baterse coi cormeli,
No se ga carestia,
Anzi ghe n'è pertuto in abondanza,
Cussì go la speranza,
De aver dal far del zorno a negra note
La casa sempre piena de marmote.
