Sora le fabriche
De note scura
Zirarà scheletri
Da far paura,
De tante zovene
Soto del leto
Insolentissimo
Sarà el foleto,
Miera de omeni
Per gelosia
Morirà martiri
Da epizoosia,
Diverse femene
Causa le voge
Restarà vitime
Soto le doge,
Sarà incurabili
Le malatie,
Movarà el gomito
Le librarie,
Nassarà i roscani
Soto la cenere,
Piovarà tossego
Squasi ogni venere,
Tremarà i cogoli
Nei cimiteri,
Ardarà i mocoli
Senza paveri,
