Fa el fogo i grizzoli,
El giazzo scota,
Piase moltissimo
La roba rota,
Core retrogradi
Fiumi e torenti,
Se incanta machine,
Se inchiava i denti,
Casca zo stabili,
Va abasso ponti,
Se spaca roveri,
Se averze monti,
Boschi se incendia,
Laghi se suga,
Trute belissime
Metendo in fuga;
El mar in colera
Su le barene
Trasporta i scheletri
De le balene,
Se intriga i omeni
Nele scarpie,
Gh'è barafusole
Per le ostarie,
I cataradeghi
Zira la note,
Perde la canola
Tute le bote,
