Didon che in estasi
Magna el sguazzeto,
Enea che in gondola
Passa tregheto,
Neuton in specola
Co Zoroastro,
Marte che intrepido
Scana un polastro,
La bela Andromeda
Che sui sabioni
Al caval Pegaso
Frega i latoni,
E Piero d'Abano
Nel so tabaro
Co cento diavoli
Che ghe fa chiaro.
Questo, infalibile,
Questo qua ze
El mio pronostico
Del trentatre,
Ma se nol comoda
A qualche mato,
Senza far chiacole
Ghe lo barato.
