Pagina:Pronostici e versi di Camillo Nalin 1.djvu/5

Sta pagina la xe stà trascrita, ma la gà ancora da vegner rileta.

PRONOSTICO DE L'ANO 1831.

Da l'alto de la specola
     Su l'ano in general
     Secondo i fati calcoli
     4Pronostico assae mal;
L'inverno severissimo,
     Gran neve a la montagna,
     Scaravazzi dirotissimi,
     8Calighi ma che bagna;
El fredo insoportabile,
     El giazzo alto sie pì,
     La bora che ne sventola
     12Tuta la note e 'l dì.
La primavera umida,
     E rigida e incostante
     Farà patir i albori,
     16Farà morir le piante;