Contento el berechin
De aver condoto a fin
Col più felice efeto
El so tristo progeto,
160Andando co sta trufa
Mile lire de debito a pagar,
E mile a iscarselar
Senza la fufa,
Che causa l'omission
165Del dì de l'estinzion
Sia in caso Pulesin de farghe i ati,
E col proponimento da birbante
De no vegnir a pati,
Ma de farghele fora tutequante.
170L'ano gera passà,
Passà un bel toco,
E no avendo più visto Supegà,
El povaro marzoco
Messo in qualche aprension,
175Che quel galioto
Gabia la rea intenzion
De magnarghele tute de capoto,
Ghe scrive con calor più d'un biglieto,
Nè vedendolo ancora a capitar
180Se ghe aumenta el sospeto
Che l'abia stabilio de no pagar,
Tantochè se risolve de andar lu
In cerca de culù,
