De aver comesso
Sto strazzo de maron,
75E no meter la paga in compromesso,
Ghe trova a quel minchion
Sta scusa pronta:
— Quelo che ze de più no la lo conta,
Perchè 'l magna un bocon, e po el va via.
80Avanti che la cena sia fenia. —
Se a sta strana risposta el comitente
Sia restà persuaso
No so gnente,
Ma quei che conta el caso
85Dise che 'l zorno drio
A veder el ze andà se l'è partio.
A la barba del progresso
Certi conti gh'è anca adesso,
Come afato el conte Bario,
90O con picolo divario.
