Perchè, no averte a mal,
Un cuor ti ga de azzal,
Al contrario del mio
Che, te lo zuro,
105El ze quel d'un conio,
No lo go duro,
No lo go duro no per mia malora,
Te l'ò za dito ancora,
E anzi a la parola
110El par de pasta frola,
Ma più da poco in qua,
Purtropo l'ò provà!
Cate, no te cogiono,
Invece de compare
115Te podaria esser pare,
Cate, te lo ripeto,
No bia che me vergogna,
So un vero lazzareto,
Una carogna;
120Cate, quel can de spechio
Che tase e dise tuto,
El me va ricordando che son vechio,
El me va persuadendo che son bruto;
Cate, del caso mio
125No ti senti pietà,
Ti ze tuta mario,
E so che ti me ga
Precisamente in cesto,
