Ma nonostante a questo
130Conosso,
Che no posso
Far de manco de amarte
Dapertute le parte,
E de volerghe ben
135A tutoquanto quel che te apartien;
Ghe voi ben a Luigi e ai to tre fioi
Giusto perchè i ze toi;
La to casa, ma più la to botega,
Quanto la me ze cara
140No serve che qua adesso te lo spiega,
El lato pol servirte de capara,
E prove non ocore,
Che voria starghe drento a tute l'ore,
Se el to Cafè, Catina,
145El mondo pol cascar,
No manco frequentar
Sera e matina,
A costo de tor su de la secada
Per darte co me comoda l'ochiada.
150Benedeto sia el dì che ti ze nata,
Benedeta la mama che t'à fato
Cussì bianca de neve e delicata,
Che quando te contemplo son beato;
Benedete le fasse, i panesei,
155E tute quele robe da putei,
Che à involto la Catina
