Baron de Pindo, conte d'Elicona,
De le Muse esclusivo proprietario,
270Dei teatri d'Olimpo gran cantante,
E mestro de capela del Tonante,
Te suplico, te prego, te sconzuro,
No aver co mi el cuor duro,
E no me far le rechie da mercante,
275Ma invece esuberante
Concedime el favor
De un estro onipotente,
Col qual meritamente
Me possa far onor,
280E possa anca sta volta,
Metendome a ragiar,
El genio sodisfar
De chi me ascolta.
Amanti entusiastai del vero belo,
285Zente de bon umor,
Che dovè aver sul cuor
Tanto de pelo,
Se invece de sentir
Un senso ingrato
290Da farve inoridir,
Indiferenti afato
Comparì
Al spetacolo strano,
Che qua ga logo ogn'ano
295De sto dì,
