Uno ze pien de gnochi,
Afato sfigurà,
St'altro la carne a tochi
550Lassa de qua e de là;
E finalmente tanti,
Che tanto à resistìo,
Chi va col muso avanti,
Chi va col culo indrio;
555Nè avendo più maniera,
Estremo de sventura,
De alzarse su da tera
Per quanto che i procura,
Miseramente i resta
560In mezzo de la fraca
Pestai come se pesta
La triaca.
Intanto da le strade e fondamente,
Da l'alto de le case,
565El strepito se sente
De quei che se compiase
A veder sto flagelo,
Che adesso saria ingrato;
Se sente questo e quelo
570Co tanto de gargato
Infervorai
A cigar che i se sfende... bravi.. dai,
E dapertuti i lati
Se ascolta replicati
575
