Ma passemo a un altro articolo.
Tuti sa se son filosofo
De la seta più dificile.
270Mi son l'Ercole dei stoici!
Improperi e catorigole
Xe sinonimi per mi!
Sfido scurie, legni, cogoli;
Se Zenon gera insensibile,
275Croda e porfido son mi.
E poeta? altro che Pindaro:
Lu stonando metri esotici
Sciacquava un mar de silabe,
Mi co un solo verso armonico
280Rompo l'aria, sbrego l'etere,
E l’I e l’O me basta a mi!
Se son doto? legi e codici
Xe zogatoli per mi!
E po, curte... chi vol titoli
285In concorso a le academie
No se fazza ombra del merito,
Marchi franco, cora a torseli
S'el somegia un poco a mi.»
Xestu mo amabile?
290«Oh! qua po interogo
La so sinderesi
Ecelentissima.
La pol za dirmelo
Senza metafore,
295No passa un'anima...
Nei so coloqui
Antiplatonici
Co dona Ilaria
No pagaravela
300Cinquanta talari
Per esser mi?
Nascita, ciera, spirito
Par che ne vogia simili:
E pur me resta un dubio...
305Ma podemo risolverlo
In statura mo i aseni
Porli lotar coi omeni?
La me fazza una grazia:
Cara ela misuremose:
310Vedemo chi se supera,
Se vo celenza, o mi.
Ma prima toleri quela meliflua
Boca benefica, che m'à l'ambrosia
Sbrufà su l'anima, un sfogo ingenuo
315De gratitudine, un dolce fervido
Baso col bocolo anca da mi!»
E drezzà su le do zampe da drio
Coi ochi lustri e un gesto
Tut'altro che modesto,
320Mel vedo in perpendicolo d'intorno
In ato de saltarme a brazza colo.
Oe, me l'ò fata a gambe, e da quel zorno
Me morsego la lengua co son solo.
Contela se volè... ma za capì...
325Senza mai dir che la sia nata a mi!
1Spassizava gravemente
Un lion de casa vechia.
Un mossato ghe va arente;
E ghe dise in t'una rechia:
«Ghe siroco sfondradon!
Uf! che caldo, za paron!»
2Con un cefo da Megera
Ghe responde so celenza:
«Escremento de la tera,
Chi t'à dà sta confidenza?
Vil inseto!... Chi è de là?...
Cazzè via costù de qua.»
3St'improperi, oh Dio! al mossato
Fa vegnir mo su la stizza.
El ghe dise: Xestu mato?
A mi ingiurie! dime, schizza?...
Se me meto... sapi ben,
Ch'ogni bissa à 'l so velen:
4Gastu boria, dì, per quela
Celeghera sgrendenada?
Ti me mostri la mascela,
Po le sgrinfe?... l'è falada;
Da volatile d'onor
Te go giusto... ma de cuor.
5Varda el toro... xelo grando?
I so corni no ghe giova
Se lo vago tormentando,
El me cerca... nol me trova.
Fa el to conto... come?... no?
Ben... mio dano! provarò»
6Dito questo, beca e via;
E po torna, beca e svola;
El ghe fa una becaria
