Pagina:Raccolta di poesie in dialetto veneziano 1845.djvu/283

Sta pagina la xe stà trascrita, ma la gà ancora da vegner rileta.

     Sentisse a pronunziar:
     140Sì, te perdono.
Tuti i mumenti numero,
     Ch'à da portar quel dì,
     Ma tremo in fra de mi
     144Per quel mumento.
Sarastu quela Filide,
     Che co tanta pietà
     M'aveva perdonà
     148L'ardir de amarte?
O un altra? ah no, comovite,
     Pensa in che stato son,
     No zontar aflizion
     152A chi xe aflito!
No credaria provandolo:
     Ti sa coss'è dolor?
     Mi l'ò visto quel cuor,
     156So quanto el sente.
Sì, el mio lamento, Filide,
     Comoverà quel sen,
     E se cambierà in ben
     160Tuto l'afano;
Terminarà le lagreme,
     Le pene cessarà;
     Quel che no finirà
     164Sarà l'amarte.


LA RIFLESSION.


Chi se agiuta a minchionarse
     El piacer lo gusta più:
     L'artifizio de inganarse
     4Xe a le volte una virtù.
Mai vedè sortir l'aurora
     Come in versi la lezè:
     Mai cussì no la vien fora:
     8L'è un ingano, ma godè.
Se quel baso a Nina bela
     No avè dà proprio col cuor,
     No xe arzento de copela
     12Le carezze del so amor.
La se ingana, e pur la gode;
     Vu godè, ve minchionè;

     Monea falsa paga e scode
     16L'uno e l'altro, ma godè:
Credè quela un'Eloisa,
     Deventè sentimental:
     No sè tali po in camisa,
     20Ve inganè, ma no stè mal.
Co gh'è un giozzo de riflesso,
     Schiao patroni sior piacer;
     Trovè el vero tropo spesso
     24Che no è molto lusinghier.
Minchionarse, minchionarse,
     Cari amici, se se pol;
     Za se ariva a sminchionarse,
     28E xe alora che ne dol.



LA NECESSITÀ.


No xe l'età freschissima,
     No xe contento el cuor,
     E so che Amor xe un perfido,
     4Nè so scampar da Amor.
So che un'amante fervida
     Spesso la dona xe,
     Co no l'amè sul serio,
     8O pur se no l'amè;
Ma so che la xe insipida
     Senza impizzarse el cuor;
     E benchè Amor sia un perfido
     12No so scampar da Amor.
So che a so mare Venere,
     Sporzendoghe la man,
     Sparagno afani e spasemi,
     16Scampo dal dio tiran;
Ma che le so delizie
     Sazia, nè ariva al cuor;
     E benchè Amor sia un perfido
     20No so scampar da Amor.
So che la benda magica,
     La benda d'ilusion,
     Strazza dai ochi ai omeni
     24Filosofia e razon;
Ma co, che senza iluderse
     La vita xe languor;


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/283&oldid=71967"