Pagina:Raccolta di poesie in dialetto veneziano 1845.djvu/290

Sta pagina la xe stà trascrita, ma la gà ancora da vegner rileta.

     Quel garofolo ger sera
     20Come un dio l'è sta adorà;
Nè invocar Flora e Priapo
     No ghe val; nè dir: «oimè,
     Lila mia, per ti son fiapo,»
     24Che pietà per lu no gh'è.
Benchè ancuo ti sii l'eleto,
     Ti avarà per sucessor,
     Chi lo sa, zensamineto?
     28Forse ancuo de zuca un fior;
Che nel regno d'incostanza
     Gh'è cucagna, credi a mi:
     Tuti ga la so speranza,
     32Se no un zorno, un altro dì.


EL SOFÀ.

Vicin de Nina
     Xe tuto incanto,
     E par che l'arte
     4Sia nata là;
     Ma quel che bisega
     Che m'urta tanto,
     Xe 'l so tempieto,
     8Xe 'l so sofà.
Se la vedessi!
     L'è un paradiso,
     Bisogna amarla
     12Da desparà;
     Gran bele cosse
     Che fa quel viso
     In quel tempieto,
     16Su quel sofà!
Se del mistero
     Fra l'ombre care
     Amor da rente
     20Se gh'à sentà,
     Sempre ga parso
     Star co so mare
     In quel tempieto,
     24Su quel sofà.
In sin che vivo

     Mi vogio amarla,
     E mi felice
     28Se me vien dà
     De dir sta cossa,
     De replicarla
     In quel tempieto,
     32Su quel sofà.
Vu che voressi
     Sbregarme via,
     Voria mo veder
     36Che forza ga
     La vostra tanta
     Filosofia
     In quel tempieto,
     40Su quel sofà.
Mi za nol nego
     Che sta barona
     Gabia un matezzo
     44Che va al de là;
     Ma oh dio! chi è savia?
     Disè, che dona?
     In t'un tempieto,
     48Sora un sofà?


EL CONSEGIO.


Se amor mai da vu se vede,
     Cari puti, a zogolar,
     Per pietà no ghe dè fede,
     No lo stessi a carezzar.
     5Su la boca el mostra el riso,
     La dolcezza sul so viso,
     Ma col rider su la boca
     Pizzegoni e slepe fioca;
     E fra mezo a le carezze
     10Mile stili, mile frezze
     Quel furbazzo sa missiar:
     Se savessi che zogheto
     Che m'à fato un dì costù!
     Dopo averme chiapà streto
     15Da no moverme mai più,
     Con un ago damaschin
     Su la pele a pian pianin
     Tuto quanto el me ponzeva;

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/290&oldid=68156"