Pagina:Raccolta di poesie in dialetto veneziano 1845.djvu/454

Sta pagina la xe stà trascrita, ma la gà ancora da vegner rileta.

Le piegore salta,
     S'ingropa, e rebalta...
     Che stala?... sì al pascolo
     20Co tuti i bebè:
Le guida Tognoto,
     Sonando el subioto;
     No ocore più l'elera:
     24Erbeta ghe n'è.
Amici! fè ciera
     Xe qua primavera:
     Me 'l dise quel nuvolo...
     28Sentì!... sentì el ton!
Ohimè! che sta idea
     El cuor me ricrea,
     E tuto desmentego
     32Quel fredo baron.
Ancora un meseto,
     E 'l russignoleto
     Col canto ne sgiozzola
     36Su l'anima el miel.
Stagion deliziosa!
     Ti vien co la rosa,
     Ti parti col giglio,
     40Fior degno del ciel.


A UNA BELA.


ANACREONTICA.


Se ti credessi, viscere,
     Co quele to ochiadine,
     Co tante paroline
     De averme inzinganà:
     5Mi te lo zuro cocola,
     Ti t'à proprio inganà.
So che ste istesse grazie
     Ti le dispensi a cento;
     Ma senza sentimento...
     10Cussì... pour badinè:
     E questo el modo, nonola,
     Da sogiogar no l'è.
Vogio anca confessartelo,
     Me piase i to scherzeti;

     15Ma scherzi senza afeti
     No pol tocarme el cuor:
     Ne la to testa imprimite,
     L'è amor, che chiama amor.
El brio l'è bon, conservilo;
     20Ma via la legerezza,
     E de la to belezza
     Schiavo sarò anca mi:
     Bela vechieta, intendistu?
     Bisogna far cussì.


EL FIORETO REGALÀ.


ANACREONTICA.


Verzo el fogio, e da un biglieto
     El più grato, el più gentil,
     Compagnà me xe un fioreto,
     4Che saria l'onor d'avril.
No so el nome... no fa gnente,
     Ma ghe vedo in lu scolpia
     De natura onipotente
     8Tuta quanta la magia.
Me lo volto, me lo ziro,
     Lo vaghegio co piacer:
     Me lo lodo, me lo amiro...
     12El me anima el pensier.
Sciochi d'atei, che no crede,
     Qua che i vegna, se i ga cuor:
     Voi chiamarli mi a la fede
     16Solamente co sto fior.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/454&oldid=61414"