Cedi o Musa alla preghiera
Sempre too tutto sarò,
Dame sorte la più vera
Col no dirme ancuo de nò.....
Vinta za dai me sconzuri
Xe sta vergine con mi,
Addio rabie, e musi duri
Ella ha dito ormai de sì.
Vien de Nina un fogio intanto,
Lo lezemo in tutti do,
La me detta tutto quanto
Quel che dirghe dovarò.
E xe mia cussì la sorte
Che nè vil, nè mercenaria,
L'avarò fin alla morte
Rara amiga, e secretaria.
