Pagina:Raccolta poesie veneziane dell'autore dei Capricci poetici nello stesso dialetto 1.djvu/84

Sta pagina la xe stà trascrita, ma la gà ancora da vegner rileta.

Ma la zente a battagioni
     Al teatro in pressa va,
     Xe tardetto, ma minchioni,
     No xe più da restar quà.

Ghe fadiga a trovar posto,
     Xe el concorso general,
     St'anno almanco no ghe rosto,
     El piaser xe universal.

El silenzio solamente,
     Rotto xe dal battiman,
     Che se chiama giustamente
     L'Italiana, e l'Aurelian ¹.

El balletto ne presenta
     Una nova distrazion:
     L'è un pastizzo de polenta,
     Anda zozo de sazon.

Se de gusto, e agradimento
     Una prova volè aver,
     Vardè come in un momento
     Spopolà resta el parter.

↑ L'Italiana in Algeri, e l'Aureliano in Palmira.

[1] L'Italiana in Algeri, e l'Aureliano in Palmira.

1