Ah vo visto bona droga,
Vu nemigo dell'amor,
Ste in palchetto colla cuoga,
Stuzzegandoghe l'umor.
E quell'altro papa-tasi,
Che no varda mai gnessun,
Fa l'occhietto, buta basi
Ai poderi del comun,
Le xe tutte stravaganze,
Che produse el san Martin,
Le xe solite piatanze,
De sto zorno de morbin.
Zitto zitto, che a momenti
Semo al ponto del rondò,
Femo onor col star attenti,
El val più d'ogni tablò.
Benedetta, o che dolcezza,
Ma che grazia, che espression!
Se ghe xe chi la disprezza,
O xe un musso, o xe un Neron.
