Pagina:Raccolta poesie veneziane dell'autore dei Capricci poetici nello stesso dialetto 1.djvu/95

Sta pagina la xe stà trascrita, ma la gà ancora da vegner rileta.

I mii Viazzi

In longa via, et pluvia,

et pulvis, et lutum.

Seneca.

Darò un rapporto esatto
     Dei ziri che go fatto,
     Dirò quel che m'ha piasso, e m'ha fermà,
     E lo dirò all'oggetto,
     Che no nassa el sospetto,
     Che come la valize abbia viazzà.
     Ma no farò per questo
     Quel che più d'un fa adesso,
     Che se tol el permesso
     De deventar molesto,
     Col mostrar gusti opposti, e opposto ton,
     Alle da lu mal calcolae nazion.