Quell'amigo resta estatico,
A mi un poco el se avvicina,
El me dise, saludandome,
Addio cara bestiolina.
Se domando cosse, lecite,
Feu vu guardia stamattina,
Alla bella contessina?....
Parlè franco papagà.
E nel farme ste mignognole
Con bel garbo lu me dona,
Un tantin de robba bona,
Fatta come un buzzolà.
Per na certa gratitudine
Del so don ghe dago el frutto,
E ghe conto suso tutto
Quel che avea sentido a dir.
Verbigrazia, che attentissima
Sta la dama a farse bella,
Che no so de sentinella,
Ma che tutti ho da avvisar,
