» Perchè respondime
La ghe scomenza
» Vegnir quel zovene
» M'astu lassà?
E a mi voltandose,
» Qual imprudenza
» Tegnir in camara
» El papagà?
» E ti pettegolo
» Cossa astu dito,
» Dimelo subito
» Lo voi saver?
Gnente lustrissima
No go delito,
Fedel tegnindome
Al so voler.
In brevi termini
Go mostrà schieto,
Che no ghe lecito
De penetrar,
Finchè attentissima
La sta un secreto
Per bella rendarse
A doparar.
