Sior sì che me capita
Per doppio piaser,
Vicina una gondola;
Che ga un forestier.
Dell'Arno malissimo
La lengua a parlar,
Curioso mi subito
Me metto a scoltar.
Mi stimolo Trottolo
El mio barcariol,
Sta in coste alla gondola
Ma più che ti pol.
Co un fià de lustrissimo,
El dise sior sì,
Voi darghe de anema
La lassa far mi.
E infatti in un atomo
Lu messo vicin,
A mi el me dà comodo
Che scolto a pontin.
