El Biglietto purgativo
Incidit in Scilam, qui vult evitare Caribdim.
Eh ghe vol altro? le ricerche sfiocca,
Se pretende novelle a piena bocca,
E se darghene devo a tutti a tutti,
I piatti forti sfuma, e semo ai frutti.
Ma qual altro dover
Xe quel del novellier,
Risponde in un canton, quel che no sa,
De trovarse in ste carte registrà?
Ben lo vostu vecchietto,
Te piase sto toretto?
Fastu co tocca ai altri el bel bocchin?...
Fora la piaga, e qua ghe 'l cerottin.
