SORA LE DONNE SCHIZZIGNOSE
SONETTO
Che rabbia, che me fà ste sfondradone
De Donne, che fà tanto le ritrose,
Dei Omeni le xe più lussuriose,
4Eppur no le vol far le buzarone.
No sò capir, le gà viscere bone,
E de natura soa le xe curiose,
Tanto, e tanto le fa le schizzignose,
8E una vita le vuol far da cogione.
Ma che Diavol de buzara xe questa,
Co vedemo una Donna se ingallemo,
11E subito ne vien suso la cresta;
E se 'l Cazzo a una Donna nù mostremo
La volta in là con impeto la testa,
14Che par, che 'na gran buzara nù femo.
