LODA UNA COMEDIANTE
SONETTO
Cosa me piase quella Donna Ircana,
L'aziona molto ben, la xe pur brava!
Se puol far meggio da superba schiava,
4Che voggia comandar, ma da Sovrana?
No vorrìa, che l'andasse mai lontana,
Co no la vedo, i denti se me inchiava,
E la malinconìa cussì m'aggrava,
8Che perdo, se puol dir, la tramontana.
Quando, che 'l so Paron pò la dà vìa,
Me vien sù tanta rabbia, che me par,
11Che per comprarla schiavo me farìa.
Co quel sospir pò la sento a trar
Andarave con Ella in compagnia,
14S'anca l'andasse a farse buzarar.
