MISERIE DELLA VITA UMANA
SONETTO
Che Mondo buzarado xe mai questo,
Che no ghè se nò mali, e che passion;
Prima tanti anemai senza rason,
4E pò l'Omo de tutti el più molesto.
Appena nati el Pare col pretesto
Del so jus el ne tien in suggizion,
I scrupoli vien vìa de religion,
8El Prete col studiar ne rompe el cesto;
Se vien pò adulti, e 'l senso ne combate,
E scomenza la Donna a farne guerra
11Colle so Tette, e colle so culate;
Se vivè, la vecchiezza ve molesta,
Co se morti i ve fica sotto terra,
14Vardè, che bella buzara xe questa.
