Dalla Mona, perchè m'aveu cavà,
Co savevi, Signor, che hò da morir,errata corrige originale
Giera meggio lassarme là dormir
4In brazzo a quella gran eternità.
Cosa serviva, che vegnisse quà
Quando, che zà gaveva da finir,errata corrige originale
Altro mi no gò fatto, che soffrir,
8E questo è quello, che mi gò avvanzà;
Siben co penso a torto me lamento,
Che se de mali el Mondo và per sora,
11Anca de beni ghe ne xe un spavento;
E pò, come podeva in mia bonora
El gran gusto provar dell'andar drento;
14Se vù, Signor, no me cavavi fuora?
- ↑ Giobbe, 10:18 (Nota de Wikisource)
