I OMENI DELICATI
SONETTO
Dei Omeni ghe xe delicatini,
Che dise, mi no sò, come che fazza
Certi, che và da qualche puttanazza,
4Dove drento ghe và anca i facchini.
Mi digo, senti, cari paregini,
Co andè al Caffè bevè pur in la tazza,
Dove, che beve zente d'ogni razza,
8E allora no sè tanto stomeghini.
Vu me dirè, che quei della bottega
Dopo, che gà bevù qualche persona,
11Quella chicchera sporca i lava, e frega.
Xe vero; me anca quella buzarona
Dopo chiavada un bel facciol la spiega,
14E la se suga subito la Mona.
