A 'NA BELLA DONNA LONTANA
SONETTO
Oh! Bella figurina, che lontana
Tanto ti me fà voggia, e ti me piasi,
O fussistù muggier d'un Pappatasi,
4O che almanco ti fussi una puttana,
Che ti vorrìa mandar el battilana
A dirte, che vorrìa darte dei basi,
E che te chiavarave in tutti i casi
8Anca, se no ti fussi troppo sana;
Ma mi no sò de ti cosa pensar,
No sò, se ti sia putta, o maridada;
11Se ti laori, o ti te fà laorar.
Ti sarà qualche cazza riservada,
E no te poderò gnanca parlar,
14Che sò la mia fortuna buzarada.
