PARALELLO TRÀ PLATONE, E L'AUTORE
SONETTO
De tre cose Platon continnuamente
Ringraziava el Signor, prima de tutto
D'averlo fatto un Omo, e non un Brutto,
4Un Grego, e non un Barbaro insolente;
Che 'l fusse nato fortunatamente
In tempo de quel Socrate sì acuto,
Che l'avea colle scienze tanto istrutto,
8Che pò l'è deventà quella gran mente.
De tre cose anca mi ringrazio el Cielo,
E co de queste è priva una persona,
11S'anca el xe un Rè, mi no voi esser quelo;
Una xe'l don della Poesìa barona,
La Musica xe l'altra, ma el più belo
14Xe d'aver sempre voggia della Mona.
