PER UN INNAMORAMENTO DE DO DONNE
SONETTO
A sentir, che do Donne innamorae
Xe trà de elle, me vien suso la stizza,
Perchè penso, che quando la ghe pizza
4Altro no le puol far, che le Monae.
Vardè, che belle matte buzarae,
Una con l'altra se vuol far novizza,
Ma una Chizza no puol all'altra Chizza,
8Se nò che darghe delle slenguazzae.
Voggio ben, che le gabbia un gran contento,
Ma'l so gusto sarà sempre imperfetto,
11Co gnente no le gà da metter drento.
Al più le poderìa per bel diletto,
Che l'è come ballar senza instrumento,
14Chiavarse colla Mona a scartozzetto.
