PER COSA SIA FATTA LA MONA
SONETTO
Donne credeu, che solo per pissar
La Mona v'abbia fatto la Natura?
La ve l'hà fatta, perchè'l Mondo dura
4Facendovi dai Omeni chiavar.
Ogni qualvolta la volè salvar,
E che sù ghe mettè la serraura,
Che vù fè un gran peccà mi gò paura;
8Per el qual v'abbiè el Culo da brusar.
Perchè sappiè, che come per svolar
Xe fatto l'Oselletto, e l'Osellazzo,
11E come el Pesce è fatto per noar;
Come per rinfrescar è fatto el giazzo,
E come el legno è fatto per brusar,
14Cussì la Mona è fatta per el Cazzo.
