L'AUTORE PENSA SEMPRE ALLA MONA
SONETTO
Per tutto dove son, e dove vago,
Sempre davanti i occhj gò la Mona,
De no pensar a quella buzarona
4Un momento a sto Mondo mi no stago.
Alla prima vorrave esser un mago
Per farme d'ella in testa una corona;
E vorrave, che 'l buso della Dona
8El fusse el liogo, dove pisso, e cago.
Vorrave più, che posso soddisfarme,
E per tegnirla in man ogni momento
11De Mona un par de guanti vorrìa farme.
Per ella in summa un impeto me sento,
Che mi no poderò mai contentarme,
14Finchè da cao a pie no vago drento.
