COMBATTIMENTO DELL'OMO COLLA DONNA
SONETTO
Che bel combattimento, che xe quello
Della Donna coll'Omo! In primo liogo
Se vede l'Omo, che ghe vien sù un fuogo,
4Che subito ghe fà tirar l'Osello.
La Donna allora accetta el gran duello,
E se prepara a tiorlo in ogni liogo,
Quà se principia l'amoroso ziogo,
8Che quanto el cresce più, più el se fà bello.
Dell'Omo zà le solite stoccae
Xe toccar Tette, Culo, Cosse, e Mona
11Con impazienza, e senza caritae.
La Donna, perchè debole, e più bona,
D'Osello la ghe dà de gran menae,
14E la lo tiol in Cul da buzarona.
