SORA LA STESSA FIERA
SONETTO
Chi vuol godere un Mondo allegro, e bello
Vegna la sera in piazza a spassizzar,
Dove, che i vederà quà, e là zirar
4Mille Donne, che fà tirar l'Osello.
Subito, che le vien in sto bordello,
Ghe scomenza la Mona a sbocchizar,
E, come el Pesce alza la Testa in Mar,
8Cussì le fà vardando questo, e quello.
De tutte ste gran Donne d'ogni razza
Saveu cosa, che xe 'l so gran solazzo?
11L'è quel de farse ben vardar in fazza.
Andemo, le ghe dise a quel gramazzo,
Che và con elle, a cercar aria in piazza;
14Ma le và per cercar un altro Cazzo.
