No ghè più quel gran ritiro
Delle Donne maridae
In ancuò tutte và in ziro
16Notte, e dì per la Cittae.
Le và sole coll'amigo,
E in ancuò no ghe và drio;
Come fava al tempo antigo
20Quel cogion de so Marìo.
Se và ancuò liberamente
A trovarle fina in letto,
E el Marìo o nol sà gnente,
24O se 'l sà, lù vive quieto.
Tutte gà una gran pretesa
De portar un bel concier;
E pulite fina in Chiesa
28Ella và col Cavalier.
