L'AUTORE VORRIA LA MONA PER CARITÀ
SONETTO
Gran che, che no se possa mai chiavar,
Se no se se marida, o no se spende,
O se d'amor la Donna no se accende,
4O col servir no la se fà cascar!
Donca chi no se vuol mai maridar,
Chi no gà bezzi quanti le pretende,
Chi no le sà servir, come le intende,
8Questi s'hali l'Osello da menar?
Come Diogene andava per Città
Cercando un Omo, mi cerco una Dona,
11Che se lassa chiavar per carità:
Ma per quanto, che diga la corona
Mi no la trovo, nè mai gò trovà
14Una, che per pietà daga la Mona.
