ALLA MEDESIMA
SONETTO
Che pretension gaveu donca cogiona
De mostrarve in ancuò tanto garbata,
Dopo, che zà se sà, che la pignata
4Granda è più dell'Arena de Verona.
Lassè andar la superbia, e siè più bona,
No dè in buzare alfin, perchè se trata
Del vostro pregiudizio, se la mata,
8Credeme, vù farè co ogni persona.
Ghe vuol maniera dolce, e ve la insegno
Acciocchè siè da tutti respettada,
11De no ve tior con tutti certo impegno.
Anzi feve stimar d'ogni portada,
Adoperè da scaltra el vostro inzegno,
14Se nò, per Dio, vù vegnirè sfrisada.
