E come, che'l s'hà subito assentà,
Perchè'l saveva ben la so reità,
18Amor l'hà proclamà,
E co l'hà visto, che de quando in quando
Da tutte le Città lù và scappando;
21Senti, questo xe 'l bando.
L'Onor, che giera solito aver stato
Nelle case dei grandi, e del privato
24Imputà d'aver fatto
Patir tante gran Donne maridae,
Che per lù tanto cempo le xe stae
27In casa retirae,
Perchè una putta, co la giera Dona,
La gaveva d'andar co so Madona;
30Nè ghe giera persona,
