SORA DO ZENTILDONNE VENEZIANE
SONETTO
Ghe xe do zentildonne in sta Città,
Che no se puol desiderar de più,
Nè per bellezza, nè per nobiltà,
4Nè per maniere, spirito, e virtù,
Le tratta tutti con sincerità,
Le compatisce i vecchj, e zoventù,
Ognun xe schiavo della so beltà,
8E ognuno gh'esebisce servitù.
Una par compiacente, e no la xè,
L'altra fà ciera a tutti, ma che prò,
11Se una man no la vuol, che ghe tocchè.
L'è belle in vero, ma mi ve dirò;
Co le tien stretto dove, che savè,
14Pettevele sul Culo tutte dò.
