Pagina:Raccolta universale delle opere di Giorgio Baffo 1.djvu/283

E chi gà per magnar da lambicarse,
    Nè ghe resca, che 'l Culo da sentarse?
                    48Perchè abbiemo a quietarse,

E perchè i nostri mali sopportemo,
    I vuol pò, che a una leze nù credemo,
                    51Siben no la intendemo.

No bastava quei gran Filosofoni
    Senza, che pò vegnisse i bigottoni
                    54A seccarne i cogioni,

E a tiorne, come và, la libertà;
    Debotto anca a cagar se fà peccà;
                    57Che viver buzarà!

Dei Omeni stà meggio assae i cani,
    Almanco no i xe esposti a tanti dani,
                    60Nè i gà tanti malani;