SORA DO MORTALI ACCIDENTI.
SONETTO
Un mortal accidente a un Senator
In tempo ghè vegnù, che 'l perorava;
E l'istesso a un Quaranta fottidor
4Ghè successo nell'atto, che 'l chiavava.
M'hà dito più d'un fisico Dottor,
Che se 'l Quaranta in Mona no l'andava,
E che l'altro no fava l'Orator,
8Addosso quel gran mal no i se tirava;
Co la fusse cussì donca parlar
Più no se poderìa in t'un'adunanza,
11Nè gnanca colle Donne più sborar.
Se sti mali vegnisse pò all'usanza,
Piuttosto, che morir a disputar,
14Morirìa d'una Donna sulla panza.
