EL MONDO A MODO DELL'AUTORE
SONETTO
Se stasse a mi de fabbricar un Mondo,
Sentì, come vorrìa, che 'l fusse fato;
Che 'l caldo fusse sempre moderato,
4E che la Luna avesse sempre el Tondo.
Senza piova el terren fusse fecondo,
E dei frutti nascesse ad ogni trato,
Che stasse el Cielo, e 'l Mar sempre placato,
8Nè ghe fusse Animal cattivo, o immondo;
Che l'Omo fusse san, ricco, e seguro,
Che 'l soo gnessun no ghe 'l portasse vìa,
11Nè i ghe ne dasse un Corno del futuro:
Ma sora ogni altra cosa mi vorrìa,
Che tutti quanti avesse el Cazzo duro
14Per fotter sempre, e fotter chi si sìa.
