SIMILE
SONETTO
Con sti vintitre soldi buzarai
Magnar la so stupenda Salatina,
Pan, rosto, e trinzar da desperai,
4Veder balli, e sentir la sonadina.
Star a una tola comodi, e sentai,
Aver al fianco la so gran sgualdrina,
Cercar con franca man per ogni lai,
8E Culetto, e la Mona, e la Tettina.
Certo, che 'l par un matto da caena,
Chi con vintitre soldi al dì d'adesso,
11No gode ste delizie a panza piena;
Ma me sorprende un gran moral rifflesso,
Che i vintitre soldi mi no li conto appena,
14Ma bel le vintiquattro, che gò appresso.
