RISPOSTA DELLA MONA.
SONETTO
Cazzo, stame lontan, nè mai più arrente
No me vegnir, se no te fazzo un segno,
Che fartelo portar sempre m'impegno
4Tocco de scellerato, e bon da gnente.
A dir ste cose, se qualcun te sente,
No i dirà mai, che ti ti è quell'indegno,
Che dise mal de mi co tanto sdegno,
8Quantunque mi de questo sia innocente.
Se da mi qualche volta ti xe stà
Per fotterme ti hà pianto, co un puttello,
11Nè de farme chiavar mai gò pensà;
Che, se credea sentir sto gran bordello,
No t'averave mai gnanca vardà,
14Che zà no son voggiosa dell'Osello.
